Əmirəbdullahiyan və Feysəl İbne Fərəhani telefoniyə votımon

İron və Ərəbiston xarıci vəziron telefoniyə votımonədə təvafuğışon kardə ki vəoməy rujonədə deyande vindemon bəkan.

Bə xarıci vəzarətxonə sıxənəvoti məlumatərosnə raporti əsos, İşəmbə rujədə İroni xarıci vəzir, Huseyn Əmirəbdullahiyan de Ərəbistoni xarıci vəzir Feysəl İbne Fərəhani telefoniyə votımonədə, hamsuyəti siyasəti inkişofiro, 2 qılə kişvəri miyono rabitəonku ıştə rizoyəti nışoş do və bə İron İslom Respublika irodə təkidış kardə.

Ərəbistoni xarıci vəzir həm bə 2 qılə kişvəri rəsmi şəxson  dəvominə vindemon iyən rabitəon zərrurət təkidış karde və Ərəbiston və İroni hərəkəton cari prossesədə diplomatiya rabitəon tojədən bino beyro ıştə rizoyəti elanış kardə.

Martə manqi 10 minnə rujədə Pekin şəhrədə İron və Ərəbistoni muzakirəon cərəyonədə, İron və Ərəbiston bə ğərol omin ta tosə omə 2manqi ıştə miyono bıə diplomatik əloğəon ijən bino və ıştə səforətxonəon oj bıkon ki həminə cəhətədə 2 qılə kişvəri xarıci vəziron çı təvafuği bə nəticə rosniye iyən səfiron miyono koon hoston kardey cəhəto de yande vindemon bəkan.