De Həzrəte İmom Həsən(ə)-i milad ruji sorqardışi mınosibəti təbrik.

Imruj Hicri Ğəməri 1444-nə sori Rəməzanə manqi 15 və Miladi 2023-nə sori Aprilə manqi 6, de dınyo şiəyon 2 minə imom, Həzrəte İmom Həsən(ə) mıborəkə milad ruji sorqardışi qeydiyat bərobəre.

İmom Həsəne Moctəba(ə) ki Hicri Ğəməri 3 minə sori Rəməzan mıborəkə manqi nimə Mədinə şəhrədə bə dınyo omə, dınyo şiəyon i-nə İmom Həzrəte Əli(ə) və peyğəmbər(s) qiramiyə kinə Həzrəte Zəhra(s) iminnə hırdən be ki Xıdovənd bə ım 2 qılə buzurqvaron inoyətış kardə.

Həzrəte Əli(ə) və Həzrəte Fatimə(s) ıştə fərzəndi mevlud rujiədə, əvışon bə Xıdo Rəsuli(s) xidmət bardən ta ə Həzrət bəy qıləy nom bınə, Peyğəmbər(s) həm bə Xıdovəndi əmri əsos Həsən yəni çok və bəxoş ome nomi vıjnişone.

İmom Həsən(ə) iftixoriış be ki 7 sor ıştə jimoniku çı islam Peyğəmbər(s)-i lotf və məhəbbəti sayədə dəvono ijən ım erjinə fırsətədə ə Həzrəti vıcudi nuraniyə həşiku istifodəş bıbu, peşo 30 sor bo ıştə qiramiyə pıə Həzrəte Əli(ə)-iro həm bənə huşinə şoqird və sadığə yavər be.

Tolışi Rədio tərəfiku İmom Həsəne Moctəba(ə) mevlud ruji, bə Əhli Beyti İsmət və Təharət(ə)-i həmmə aşiğon təbrik ərz kardedəmon.

Mədinə şəhrədə Əhlibeyt(ə)-i Kərim İmom Həsəne Moctəba(ə) pokə ğəbi ziyorət karde bəşımə ğısmət bıbu