Ğalibaf: ımruj tole torixədə sionist rejim vey zəifəti vəziyətədəy

İroni İslomi parlamenti yol təkidış kardə: ımruj tole torixədə sionist rejim vey zəifəti vəziyətədəy və muğaviməti cəhbə ğudrət, ım rejimi bə tarsoəti reaksiyaon əncom doey məcbur kardedə.

Sionist rejimi hərbiçion ıştə tojə cinoyətədə bə Məçitoləğsa Əlğıbli musəlla daxıli etıkofəkəyon həmləşon kardə və əvon jəşone və vey əvon zəxmin və dastqir kardışone ki məntəğə hevujə reaksiya bois bıə.

Məçitoləğsa, bənə Beytul Muğəddəsə şəhri, İslomi-Fələstini huviyyəti vey muhimmə simvol, həmişə sionist rejimi hərəkəton və cinoyəton hədəf be.

Bə Milləti kə aqentiyəti raporti əsos, ımruj İşəmbə İroni İslomi parlamenti yol Muhəmməd Bağır Ğalibaf votışe: sionist rejim zıneydə ki bə muğaviməti cəhbə ğudrəti peştəpurəti xoto, muodə rujədə saxtə nəticə çəvon intizorədən.

Ğalibaf, bə Məçitoləğsa, mısılmonon iminnə ğiblə be ehtıroməti kardey, ım muğəddəsə vırədə nımoj votəyon və etırofəkəyon jəey və dastqir kardey və həmçınin bə Ğəzzə və Livani cənub, sionist rejimi hərbiçion dəhşətinə həmləonde şiddətin məhkum və lovəş kardə: çand da sore ki sionist ejim de beynəlxalğə prinsipon rioyət nıkardey bə qıləy məhor nıbıə kıştə maşin əvəz bıə və ım ko vey əlovə bey holədəy.

Parlamenti yol həmçınin votışe: dınyo həmmə mısılmonon, Fələstinədə ıştə ciqəmad və şucaə bıvə və hovəon himoyə i vanq və i dıl hestin və ım sori Ğuds ruji reaksiya həm bənə dəvardə de əzəmətin surət bərpo bəbe boçi ki şərifə Ğudsi hədəfon co qılə zəmoniku vey barz, hərorətine və sionist rejimiku nifrət co qılə zəmoniku vey bəjie.