Ərəbistonədə bıə İroni səforətxonə bəon oj bin

7 soriku bəpeşt iminnə kərə Ərəbistonədə bıə İroni səforətxonə bəon oj bin.

Bə İranpres aqentiyəti raporti əsos iyən Ruyterz nəğliku 7 soriku bəpeşt iminnə kərə Ər-Riyədə bıə Tehroni səforətxonə bəon oj be.

Bə şohidon votəyonəsəs de İroniku naziron və texniki heyəti səfəri həmzəman ın bina qıvoninə bəon oj bin.

Zinə İroni xarıci vəzorətxonə sıxanəvot Nasir Kənani Çafi xəbə doəş be ki İron və Ərəbistoni miyono həmkoətion bino bey tojə mərhələdə 2 qılə kişvəri miyono diplomatik əloğəon de kunsulon və səforətxonəon fəaliyəti bino bəbe, həminə çərçivədə İroni naziron bə Ərəbiston varid bıən.

Əv əlovəş karde: Ərəbistoni heyət həm Məşhədədə ıştə kunsuli oj kardeyro hozzo bıə.