Muğavimətədə Fələstinıjon jenon mehvəriyə rol

“Ğuds, iminnə ğiblə” nomo beynəlxalğə konfransi bə xanımon məxsus bıə iclosədə, natiğon, muğavimətədə bə Fələstini jenon mehvəriyə rol təkidışon kardə.

Tojədən Həzrəte Vəlie Əsr(əc) mədəni binaədə, “Ğuds, iminnə ğiblə” nomo beynəlxalğə konfransədə İroni islomiyə parlamenti nımoyəndə, Zohre Elahiyan de sinonist rejimi mubarizə bardeyədə bə Fələstini jenon vırə işorəş kardə iyən votışe: Fələstinədə bə veyə jenon və hırdənon həmlə və dastqir bıən.

Bə İrna raporti əsos, Elahiyan ijən əlovəş kardə: həmonə kəson ki insoniyə həxon iddeo kardə kəsonin, tosə ısət Fələstini məzlumə jenonku hiç sıxən votəşon ni, və hətto ım cinoyəton barədə hiç nəzə doəşon ni və mudafiə nıkardəşone.

Bə Elahiyan vote əsos, sionist rejimi yolon etığadışone ki ım rejim ıştə 80 sorəti sınni nibəvinde, həmonə aksiyaon ki bəvədə çand həzo etırozəkəyon Telavivi xiyabononədə iştirokışone ım məsələ nışonəy. İşğal bıə sərzəminonədə dıvləton umri mıddət kam bıə və qrupon və partiya miyonədə nığılə fosilə və daveon mucude.

Im iclosədə Niqeriya kişvəriku Əsma Moxtar həm votışe: Fələstin və məçituləğsa həmmə mısılmononro vey əhəmiyyətışe və karde zınəmon ni ki bəvon be tafot bıbəmon, Fələstini jenonku de həmmə himoyəon vucudi, sioniston məhv bəben və həminə royədə muğavimət bəkamon.

Im iclosədə Yəmənıjə xanım, Əsma Moxtar həm votışe: Yəmənıjə inəon və jenon ki məişəti saxtə şəroyet və sanksiyaədə ğəror qətəşone, Fələstini mırdon və jenon şəroyeti dəresedən.