2 tərəfiyə rabitəon hevujəti və mehkəm kardeyro İron və Ğətəri təkid
İron İslom Respublika prezident sionist rejimi hərəkəton vəy qəteyədə bə İslomi kişvəron həmohənqi və vəhdət təkidış kardə.
Bə Tele Rədio aqentiyəti raporti əsos, İron İslom Respublika prezident, Seyd İbreym Rəyisi de Ğətəri Əmir, Şeyx Təmim İbne Ale Sani telefoniyə votımonədə, Məçituləğsaədə və bə Fələstini be mudafiə rujə əqəton ələyh sionist rejimi oxonə cinoyəton işorəş kardə və Fələstini məzlumə millətiku himoyə və ım rejimi hərəkəton vəy qəteyədə bə İslomi kişvəron həmohənqi və vəhdəti zərrurət təkidış kardə.
İron İslom Respublika Prezident həmçınin bə Ğətəri devlət və millət Şəvalə manqi dəme və Fitrə idi mınosibəti təbrik votışe və de hamsuyəon rabitəon mehkəm və hevujəti, İron İslom Respublika xarıci siyasəti iminnə koon elanış kardə, və məntəğə inkişofon, məntəğə kişvəron miyono həmkoətion və rabitəon , votımonon sayədə mumkin zınəş.
Ğətəri əmir Şeyx Təmim İbne Ale Sani həm bə İroni devlət və millət Şəvalə manqi dəme və Fitrə idi mınosibəti təbrik votışe və həmmə baxşonədə de İroni rabitəon hevujətiro bəştə kişvəri hozzoəti təkidış kardə.
Ğətəri Əmir həmçınin bə Fələstini milləti ələyh sionist rejimi oxonə təcavuzon de şiddətin surət məhkumış kardə və votışe: Fələstini məsələ barədə Ğətəri diyə və nəzə, ım kişvəri məzlumə millətiku himoyə və sionist rejimi təcavuzon məhkum kardeye.
Rəməzon mnıburəkə manqi əyyomədə sionist rejimi hərbiçion har ruj bə Məçituləğsa həmlə kardışone və bə Fələstini nımojəqəton və etıkofəkəyon zərər-ziyon varidışon kardə.
