Əmirəbdullahiyan təkidış kardə: bəpe İroni himoyəon, Fləstini millətiku dəvom peydo bıko

İroni xarıci vəzir, Huseyn Əmirəbdullahiyan de Fələstini İslomi muğaviməti hərəkəti siyosi təşkiloti yol, İsmail Henyə telefoniyə votımonədə bə Fələstini muğavimət və millətiku İron İslom Respublika himoyəon dəvom doey təkidış kardə.

Bə İrna Dışəmbə ruji raporti əsos, ım votımonədə Əmirəbdullahiyan işorəş kardə ki Fitrə idə rujədə, İslomi İnğilobi Yolə Rəhbər ıştə nıtğədə, bə vey muhimmə məsələ yəni Fələstini məsələ barədə sıxən votəş be, Əmirəbdullahiyan ijən bə Fələstini muğavimət və millətiku İron İslom Respublika siyasi-mənəvi himoyəon dəvom doey təkidış kardə.

Im telefoniyə votmonədə Həmasi siyosi təşkiloti yol, bə İroni millət və devlət fitrə idi mınosibəti təbrik votışe və ıştə qamə səlomi bə İslomi İnğilobi Yolə Rəhbər və İron İslom Respublika prezident rosnişe.

Həmasi siyasi təşkiloti yol, Ğudsi işğolçiyə rejimi təcavuzon vədə muğaviməti dəvomiro bə Fələstini millət və qrupon ciddiyə irodə təkidış kardə.

Henyə həmçınin İron İslom Respublika və Ərəbistoni oxonə təvafuğiku ıştə himoyə elanış kardə və ım təvafuği bə həmmə məntəğə mənafe cəhət zınəşe və əlovəş kardə: həlbətə sionist rejim ım təvafuğiku rozi ni.