Yəməni sahilədə Ərəbıstoni qıləy canqiyə kəşti ğərğ bıə.

Zinə qıləy canqiyə kəşti, Yəməni Təız ostanədə bıə Əlməxa nomo ğərbiyə sahilədə bə dıyoədə minon eqniye bə peştə ğərğ bıə.

Bə Yəməni hərbi mənbəon elani əsos, Ərəbıston rejimi çın hərbi kəşti sərnişinon qırd ya həlok ya zəxmin bıən.

Ərəbıstoni ım hərbi kəşti tıpniye və ğərğ bey bə peştə çandə təcavuzkorə təyyarəon Yəməni Təız ostani osmonədə ıştə qarde avyasiyə əməliyati binoşon kardə.

Səudi Ərəbıston de Amerikə iyən ğərbi və ərəbi həmpəymonə kişvəron bə ico 2015-nə sori Martiku bə Yəməni zidd zəmini, həvoyi və dıyoyiyə təcavuzi binoş kardə ki ujnən çın kişvəri istifa doə prezident Mənsur Hadişon bə zumandəti bırosnon.

Im vəhşiyə təcavoz de tosə bə ısət çı Yəməni millətiku11 həzo nəfəri keşte, 10 həzo nəfəri zəxmin bey ijən çand milyon nəfəri avarə bey boyis bıə.

Ərəbıstoni təcavozon nəticəku ijən Yəmənədə fəğırəti anə ziyod bıə ki cəmaət bo xorək və dəvo-damon pəydo karde xoto mandəy be çorə və mətəl.