Yəməni behroni həl kardeyro İroni himoyəon dəvom

Yəməni milli nicot devləti muzakirəkə heyəti rəyis iyən İroni xarıci vəziri vindemonədə bə Yəməni muhasirə darşiye, hevujə otəşbast iyən siyosi qrupon miyono sazışiro har curnə təşəbbusi təsdiğ bıə.

Bə İrna raporti əsos, Huseyn Əmirəbdullahiyan de Muhəmməd Əbdulsəlam vindemoni cərəyonədə ki Məsğətədə bıə İroni səforətxonə vırədə bərpo bəbe, yəməni sərzəmini vəhdət iyən ərazi oqəte təkid bıə.

Im vindemonədə İroni xarıci vəzir Yəməni bıhroni həl bey xususi insoni vəziyət və əsiron vırə bə vırə kardeyro əncom bıə koon mısbət zınəş be.

Yəməni milli nicot devləti muzakirəkə heyəti rəyis Muhəmməd Əbdulsəlam həm Yəməniku mudafiə karde çərçivədə bıə İroni himoyəon çok və bə təğdiri loyiğ bə hisobış vardə iyən de Ərəbiston əncom bıə votımononku oxonə vəziyəti barədə raportış do.

Əv İron və Ərəbistoni miyono sazışi bə məntəğə təsiron bois zınəş be və votışe: detosə Yəməni milləti həmmə həxon əməli bey muğavimət ijən dəvom peydo bəkay.