Kənani : qlobal ictima sukut, sionist rejimi veyə beədəbəti boisəkəy

İroni xarıci vəzarətxonə sıxənəvot, sionist rejimi zindononədə bə Fələstini əsiron mubarizəkəyon iyən rəhbəronku qıləyni Şeyx Xəzər Ədnan məzlumanə şəhodəti reaksiyaədə votışe: qlobal ictima sukut, sionist rejimi veyə beədəbəti boisəkəy.

Fevralə manqi 5 minnə rujədə sionist rejimi səmtiku Fələstini islomi cihodi hərəkəti rəhbəronku qıləyni Xəzər Ədnan əsir bıə, əv bə ım dastqirəti  etıroz bey 86 ruj vəşiyanəti aksiya əncomış do.

Sionist rejimi hərbi məhkəmə çand kərə de Xəzər Ədnani ozodi muxalifətış kardə be.

Bə İran Peres aqentiyəti raporti əsos, Seşəmbə sıb, Fələstini əsiron və ozod bıə kəson koon vəzarətxonə elanış kardə: Şeyx Xəzər Ədnan sionist rejimi zindononədə, ıştə həbsxonə kameraədə 86 ruj vəşiyanəti aksiya bəpeştə bə şəhodət rəsə.

Bə İrna raporti əsos, İron İslom Respublika xarıci vəzarətxonə sıxənəvot, Nasır Kənani təsdiğış kardə: ım əsirə mıcohidi şəhodət, dəvardəku vey Fələstini milləti muğaviməti məzlumiyət və rostəti nışonəy.

Kənani ijən əlovəş kardə: de ım Fələstini şahrvand, sionist rejimi ğeyri insoniyə rəftor və dastqirəti ğeyri insoni və vızməti rəftori barzə nımunə nışonəy ki dəvardə 70 soriku vey bəbe ki bə Fələstini cihodəkəyon və milləti ələyh de sionist rejimi vositə əncom bıə və bə bəşəriyəti ələyh cinoyəti oşkoə nımunəy.