Bə hamsuyə kişvəron İroni nati ixracat vey be

İroni nat milli şirkəti yol İroni nati ixracati vey beyku xəbəş do.

Çımiku bənav İroni iğtisod vəzir Seyd Ehsan Xandozi de Faynənşal Taymz rujnomə votımonədə təkidış kardə be ki Amerkə təhrim sanksiyaon jintonədə əmmo İroni devlət dəvardə 2 sori mıddətədə nati ixracati baxşədə bə vey barzə səthi dast peydoş kardə.

Muhsen Xocəste Mehr İroni nat milli şirkəti rəyis İroni cənubədə bıə natə çoləonku vindemon kardey cərəyonədə votışe: de təsironə tədbiron İroni 13 minnə devlətədə nati ixracat 2 bərobər bıə.

Bə İrna raporti əsos, Xocəstə Mehr çı İroni ğərb tosə şərğ-şimol tosə cənub və İroni mərkəzədə bıə natə luləon iyən karidoron plani oxonə vəziyəti barədə sohbətış kardə və votışe: Xark cəzirə bənə coqrafiya cəhəto emtiyozış bıə natə mərkəzi dınyoədə zıney bıdə ki veyə standardış heste. əv bə İroni cənubədə natə şirkəton və fəaliyəton inkişof zərurəti təkidış kardə.