Ərəbə İttifoğədə Suriyə muvəffəğiyətiku İroni himoyəon

İroni xarıci vəzarətxonə sıxənəvot, ərəb ittifoğədə Suriyə muvəffəğiyətiku himoyə kardəş və ım muvəffəğiyəti bə ım kişvəri millət və devlət təbrik votışe.

İşəmbə rujədə, Qahirədə Ərəb ittifoği uzv bıə kişvəron xarıci vəziron şura ıştə iclosi oxoədə, de qıləy rəsmi bəyoniyə sadir kadey ım ittifoği iclosonədə Suriyə devləti həmkoəti tojədən bino bey qlanış kardə.

Milodi 2011 minnə sorədə Noyabrə manqədə, ərəb ittifoğ, Dəməşği uzv bey mıvəğğət surəti ləğv kardəş be və bə ım kişvəri əələyh iğtisodi və siyosi sanksiyaon əncm doşe.

Bə İrna raporti əsos, İroni xarıci vəzarətxonə sıxənəvot votışe: islomi kişvəron miyono daveon peqətey, çəvon miyonədə həmkoəti və inteqrasiya, komilə oroməti və stabiləti icod beyədə, mısbətə nəticəon soybe və məntəğə məsələonədə xarıci mıdoxiləon kam bey zəminəon icodəkəy.

Kənani ijən təsdiğış kardə: İron İslom Respublika ım metodiku himoyə kardedə.