Fələstini muğavimət: muğaviməti cəhbə bə yande nezin

Fələstini muğaviməti qrupon elan kardışone: muğaviməti cəhbəon və bə sionist rejimi ələyh vəhdət bə yande nezin.

Bə Ələhd kanali raporti əsos, Ğəzzə tanqədə, Fələstini muğavimət qıləy bəyoniyədə elan kardışone: Ğəzzə-Ğuds, Ğəzzə-Fələstini əsiron və Ğəzzə-Fələstini milləti mıodilə de muğaviməti vositə zumand bıə və Fələstini əsiron mevzu muğaviməti iminnə məsələ və milli vəhdəti vırə və ım əsiron çəmə sıə xət hestin.

Im bəyoniyədə Baxtəri tanqədə 3 qılə fələstinıjə cıvonon şəhodətədə bə sionist rejimi tojə cinoyət  işorə  kardəş və təkidış kardə: ım cinoyət be cəvob və be mıkofot nibəmande və şəhidon xun hədər nibəşe.

Fələstini muğaviməti qrupon ijən bə muğaviməti cəhbəon və canqi meydonon vəhdəti işorə və təkidış kardə: muğavimət, Fələstinıjə əsiron və muğəddəsəçiyon və millətiku mudafiə şımşi muğavimət baği bəmande.