Qeneral Tənqsiri: Sepah bə Fars dıyo komilə əhotəş heste

Sepah Təşkiloti dıyo ğıvvə komandir votışe: ımruj Farsi Korfezədə de bə daxıli zumandətion təkyə, ım ğıvvə ıştə vey barzə hozzoəti səthədə ğərorış qətə və həvo, səth iyən səthi jinton baxşonədə komilə əhotəş heste.

İroni mudafiə doktorin bə mudafiə əsos inkişof peydoş kardə, həiğiğiyə mudafiə icod beyro, hərbi zumandəti, etıborinə silohin iyən zumandəti və komilə ğıvvon soyb bey, vey muhimmə rolış heste.

Həminə cəhətədə və bə İrna raporti əsos, Cımə rujədə, İroni cənub, Boşehrədə jurnaliston cəmədə, Sepah Təşkiloti dıyo ğıvvə komandir, Qeneal Əlirıza Tənqsiri əlovəş kardə: Farsi Korfezədə deşmoni ovi jiədə bıə kəştion şe-omey həmişə Sepah dıyo ğıvvə 24 saəti təğib iyən jintonədəy.

Qeneral Tənqsiri ijən bəyonış kardə: Farsi Korfesi əmniyyəti zəminədə çəmə kontrolon mısbəte və Farsi Korfez komilə əmniyyətədə ğəror qətəşe.

Əv ijən votışe: ımruj İroni silohinə ğıvvon mudafiə və himoyə vəzorətxonədə, hərbi inkişofinə vey muhimmə təchizaton, İslomi İnğilobi Yolə Rəhbəri hidoyəton jintonədə plan kəşə bəbe və de İslomi İroni cıvonon cəhdon soxte və bə silohinə ğıvvon varid bəbe.

Sepah Təşkiloti dıyo ğıvvə komandir ijən təsdiğış kardə: de ım əbzaron və zumandə ğıvvon vositə, har ruj İron İslom Respublika silohinə ğıvvonədə hozzoətion vey bəbe.