İroni xarıci vəzorətxonə İraği səfirış vanq kardə

Tehronədə bıə İraği səfir bə İroni xarıci vəzorətxonə vanq bıə.

Bə Təsnim aqentiyəti raporti əsos, İraği Kırdıston iğlimədə rəsmi mərosimədə co seporətçi qrupon uzvonku dəvət kardey dumoədə, və ım məntəğədə terroristiyə qədə qrupon kali hərəkəton dəvomədə, Tehronədə bıə İraği səfir, de İroni xarıci vəzorətxonə səmtiku vanq bıə.

İroni xarıci vəzorətxonə Farsi dıyo iminnə idorə yol, həminə terroristiyə qədə qrupon hərəkəton vədə İron İslom Respublika şiddətinə etırozi bəyonış kardə və ım hərəkəton İrağ və İron İslom Respublika miyono de oxonə əmniyyəti mığuviləon əks zınəşe.

Separətçiyə terroriston de bə İroni daxıl nufuz kardey və addi millət və kali şahrvandon miyono iştirok peydo kardey vositə, iğtişoş icod kardən və kıştə soxtey planon icro kardey holədən.

İron İslom Respublika aqahətiş heste ki ım terroristiyə qrupon de sionist rejim və kali kişvəron əcumlə Amerkə vositə, himoyə bəben.

Huğuği cəhəto və bə İ Bıə Milləton prinsipi 51 minnə maddə əsos, İron həxış heste ki de itərəfi surət, bə silohinə terroriston ələyh, hərbi əməliyoton əncom bıdə.

Bə həminə əsos, İslomi İnğilobi Sepah Təşkiloti rəket və dron vahidon, çand kərə İraği Kırdıstoni məntəğədə bə terroristiyə qrupon vırə hevujə həmləon əncomışon do.