Çandə milyon yəmənıj de vəşiyanəti xəto dim bə dime.

Xurəki beynəlxalğə bərnaməon icraiyə mudir ki İ bə milləton nəzorəti jiyədəy zinə qıləy hozzı kardə məlumatədə elanış karde 7 milyon yəmənıj həni hardeyu heç qıləy xurəkışon ni. və dınyo məmləkətonku tələbışon karde təciliyə holətədə yəmənıjon xurəki ehtiyacon təmin kardeyu hərəkət bıkən.

Bə Fransə aqentəti xəbon əsosi xurəki beynəlxalğə bərnaməon icraiyə mudir zinə İordaniya Əmman şəhrədə votışe: yəmənı məmləkətdə insoniyə şərayet jıqoye ki çı məmləkəti 17 milyon nəfər zındə nin kamilə sorətədə ıştə xurəki təmin karde və təğribən 7 milyon nəfər həm hardeyu heç qıləy xurəkışon ni.

İ bə milləton təşkilati ım rəsmiyə şəxsi əlavəş karde əqər yəmənı milləti xurək ehtiyacon ki de vəşiyanəti xəto dim bə dim hestin təmin nıbo ım məmləkət de veyə bıhron dim bə dim bəbeş