Rabitəon hevujətiro İron və İ Bıə Ərəbə Əmirətiyon mıştərəkə mənafe

İron və İ Bıə Ərəb Əmirəti mıştərəkə ticori palata yol, mıştərəkə mənafe, 2 qılə kişvəri rabitəon hevujəti bois zınəşe.

Milodi 2022 yəni dəvardə sorədə, statestikaon nışoş do ki İron və İ Bıə Ərəbə Əmirətiyon mıbodiləon miğdor bə 24 milyard dollar rəsə.

İron və İ Bıə Ərəb Əmirəti mıştərəkə palata yol, Erfan Şakeri de İrana votımonədə votışe: 2 qılə kişvəri hamsuyətiədə iğtisodi mıştərəkə mənafe mucud bey, iğtisodi fəaliyəton və ticori hevujəti boisəkəy ki ım miyonədə ozodə ticori təvafuğ, maliyotiku ozod kardey və əmtəə de əmtəə mıbudilə kardey əcumlə məsələonin ki 2 tərəfi mənafe təmin kardedə.

Şakeri ijən dəvardə soronədə bə 2 qılə kişvəri 40 milyard dollari ticori miğdor işşorə və əlovəş kardə: ehanə karde bıznəmon 2 qılə kişvəri miyono iğtisodi muxtəlifə baxşonədə muğaviləoni bə imzo bırosnəmon, investisiya roy və ixracati əlovə bey hoston bəbe.

İron və İ Bıə Ərəb Əmirəti mıştərəkə ticori palata yol həmçınin votışe: de devləton miyono veyə muğaviləon imzo kardey, 2 qılə kişvəri miyono ticori heyəton şe-omey heyəton və təsirinə muğaviləon imzo kardey, bois bəbe ixracat və varid bey və investisiya miğdor əlovə bəbe.