Ğəzzə marzədə sionist rejimi əmniyyəti tojə tədbiron

Sionist rejim,ıştə marzi məntəğəonədə dırozə di icodış kardə, sionist rejimi ım hərəkət bə ım səbəb əncom bıə ki bə Ğəzzə marzi nezədə bə ıştə zəmini ğıvvə ələyh Fələstini muğaviməti həmləonku tarsedə.

Bə Tele Rədio aqentiyəti raporti əsos, Fələstini mənbəon de qılə şikil muntəşir kardey vositə elanışon kardə: tojədən sionist rejim de Ğəzzə marzədə, dırozə divoon icodış kardə ki bəştə hərbi maşinon ələyh rəketon həmləonku əmonədə bımandon.

Im divoon qıləy holədə soxtə bəbe ki dəvardə soronədə Ğəzzə tanqə marzonədə sionist rejimi və Fələstini muğaviməti qrupon miyono daveon əlovə bıə be və bə Ğəzzə tanqə və qədə şəhron məntəğəon anti rəketon qullə ğandeyku telavivi niqəronion əlovə bıə be.

Çımiku bənav Ğudsi işğolçiyə rejimi ərtışi mətbuati təşkilot elanış kardə be: ım divoon soxtey bənə israili caddon şirkəti planiku ibaxş və de nəğliyot vəzorətxonə, ərtışi muhəndesi baxş və Ğudsi işğolşiyə rejimi canqi vəzorətxonə həmkoəti əncom bəbe.

Qıləy holədə ki çımiku bənav, Həmasi hərəkəti hərbi baxş bəyi Ezzuddinol Ğəssami təşkiloti komandironku qıləyni İmen Nofel elan kardəş be ki Ğəzzə ətrofədə dıvo və mane icod kardeyro sionist rejimi hərəkəton bo əvon foydəş ni.