Qeneral Bağıri: okeanonədə Ərtışi məmuriyət dəvom bədoe.

İron İslom Respublika silohinə ğıvvon ğərorqoh yol bəyonış kardə ki ərtışi dıyo ğıvvə 86 nomo skadron, İroni milləti səorzəti və fəxrin bois bıə və təkidış kardə: ərtışi dıyo ğıvvə jiqəmandə canqəkəyon və komandaron be tars bə dıyovonəti məşğulin.

İron İslom Respublika ərtışi dıyo 86 nomo skatron ,8 manq dıyovonəti və 65 həzo kilometriku vey məsofə zəmini korə dıvri hərəkət kardey bəpeşt, şənbə bə İroni Bəndər Əbbasi saheli nez bıə.

Bə İran Peres aqentiyəti raporti əsos, işəmbə rujədən İron İslom Respublika silohinə ğıvvon ğərorqoh yol, Qeneral Pasdar Muhəmməd Bağıri ərtışi skadroniku rəsmi və beşey mərosimədə işorəş kardə ki ım skadron vey yolə ko əncomış do. əv ijən votışe: muxtəlifə hodisəon nışo doşe ki İroni səbarzətiro ğərəz zumandəti və fəxrinə roy məsofə hiç roy ni, və ım ğanuni zu milləti tərəfo bə həmmə canqəkəyon doə bıə.

İron İslom Respublika silohinə ğıvvon ğərorqoh yol ijən bəyonış kardə: zumandəti roy kişvəri zumandəti vey muhimmə amile, əv ijən təsdiğış kardə: boçi ki qıləy yolə dıyo zumandəti bıbimon, hiç çi kamımon ni, və ım mevzuro daxıli zumandə sənaye soybimon.

Qeneral Bağıri ijən votışe: ım torixi məmuriyət əncom doeyədə, ərtışi dıyo ğıvvə mislış nıbıə hərəkət, qıləy torixi və ....hərəkət be, vindemonon və muzakirəonədə vindeydəmon ki hətto kişvəroni kitexniki cəhəto həminə zuşon be əmmo jığo məmuriyəti əncom doey ciqəmandətişon ni, əmmo ım İron İslom Respublika be ki ım ko əncomış do və ım təhdidomizə roy şə və mislış nıbıə statestika icodış kardə.