İordan ru ğərbi sahilədə, de sionist rejimi Fələstinıjon daveon

Co kərə sionisti hərbiçion bə İordan ru ğərbi sahili muxtəlifə məntəğəon həmlə kardışone.

Bə Fələstini məlumat rosniyə mərkəzi raporti əsos, Cımə rujədə sionist rejimi işğolçiyon Nablos, Cenin, Tolkərəm və Ğudsədə bə Fələstini kəon həmlə və de ım şəhron sakin bıə kəson dave kardışone iyən vey kəon xərob kardışone.

Fələstini muğaviməti hərbiçion həm de otəş icodəkə botelon və dast soxtə bombon şodoy vositə, de sionist rejimi hərbiçion muğabilə kardışone.

Həminə daveon cərəyonədə çand nəfər Fələstinıjon zəxmin və çand nəfər həm dastqir bıən.

Ğərbi sahilədə muğaviməti əməliyoton əlovə bey dumoədə ki tosə ısət çand da sioniston kıştey iyən zəxmin bey bois bıə israili kabineti niqəronəti və tarsi bois bıə, boçi ki ım əməliyoton nışo dodə Ğəzzə tanqə həmmə tərəfiyə mıhosirə nə fəğət muğaviməti sə bey bois nıbıə, bəlkəm Ğərbi sahil həm Ğəzzə və bə muğaviməti dəçokney royədə hərəkət kardəşe.