Ərbəyine Huseyn(ə)-i şemoni hodisə mədəni əhəmiyyət

İronədə İraği mədəni məşvərətəkə bə Ərbəyine Huseyn(ə)-i şemoni hodisə mədəni əhəmiyyət təkidış kardə.

Imsori Ərbəyine Huseyn(ə)-i şemoni  har çəxtə əzəmətin bərpo beyro, İron və İraği rəsmi şəxson həmkoəti bino bıə.

İron İslom Respublika kişvəri vəzir Əhməd Vəhidi, ımsorədə Ərbəyine Huseyn(ə)-i ziyorəti şəroyeti hoston kardeyədə, de İraği tərəf 2 tərəfə votımonon barədə votışe: Ərbəyine Huseyn(ə)-i şemoni mevzu barədə lozimə həmkoətion, 1402 minnə soriku bənav bino bıə, və Ərbəyini ğərorqoh və kişvəri vəzorətxonədə rəsmi şəxson de İraği duston icloson bərpoşon kardə.

İronədə bıə İraği məşvırətəkə, Əmcəd Həmid Əlmozəfər bə Ərbəyine Huseyn(ə)-i şemon bənə mısılmonon mədəni vey muhimmə mədəni hodisə işorəş kardə və votışe: ım hodisədə har sor de muxtəlifə kişvəronku və de muxtəlifə zərfiyəton və ğabeliyəton 20 tosə 30 milyon zayiri mizbonimon ki de diğğət bə ım zərfiyəton karde bəznemon hınə və mədəni ovoştoniyero istifodə kəmon.

Əlmozəfər de İrna votımonədə əlovəş kardə: Ərbəyine Huseyn(ə)-i şemon qılyə vey yol və beynəlxalğə zərfiyəte və ım şemonədə İraği milləti muxtəlifə qrupon iştirok kardedən.