İmom Xomeyni(r)-i fikon, ozodə milləton roy çerağe

Çand nəfər Suriyə cıvonon dınyoədə, İmom Xomeyni(r)-i şəxsiyət, zıney bıə şəxsiyət bəyonışon kardə.

İran Peresi journalist Dəməşğədə və bə İmom Xomeyni(r)-i rehləti sorəqardışi mınosibəti xoto, de kali Suriyə kinə və zoə cıvonon ə Həzrəti fikon təsir noey və şəxsiyəti barədə votımon kardəşe.

Suriyə cıvonon həminə mısohibədə təkid kardışone: İmom Xomeyni(r)-i ədoləti bə vırə rosniyero və dınyodə çəy hevujəti və həmçınin de be ədoləti mubarizə bardey həmzəman cəhd kardəş be.

De İran peresi jurnalisti votımoni cərəyonədə, Suriyə kinə votışe: İmom Xomeyni(r)-i inğilob, mıosirə dınyo yeqanə inğilob be ki devlət, mənabe və ictima mədəni bə milləti mənafe əvəzış kardə.

Im Suriyə kinə ijən bəyonış kardə: İmom Xomeyni(r) həmişə dınyoədə mıstəzəfonku himoyə əki və İmom Xomeyni(r)-i inğilob, dınyo ozodə milləton roy çerağ bıə.

Co qılə kinə Suri həm bəyonış kardə: İmom Xomeyni(r)-i inğilob, İroni ictima və çəy ətrofədə bıə ictima əvəzış kardə. əv ijən əlovəş kardə: İslomi İnğilob bə  İmom Xomeyni(r)-i rəhbəriyəti muxtəlifə məntəğəonədə reflaksiyaş be və millət və ozodə tələbon oqohətiədə təsirış be.

Həmçınin ım mısohibədə qıləy Suriyə cıvonə mırd həm təsdiğış kardə: İmom Xomeyni(r)-i fikon Həzrəte Muhəmməd(s)-ixalisə islomiku qətə bıə be ki qlobal baxşədə ə Həzrəti şəxsiyəti bə barzə vırə rosnişe.