Ğərbi sahili şimolədə 45 nəfər Fələstinıjon zəxmin bıən

Çoşəmbə şəv Fələstini Sıə Hilali cəmyət elanış kardə: Ğərbi sahili şimoli Nablosədə Fələstinıjon və sionist rejimi hərbiçion miyono daveonədə, 45 nəfər Fələstini zəxmin bıən.

Har ruj sionist rejimi hərbiçion bə muxtəlifə bəhonəon Fələstini məzlumə millət şəhid, zəxmin və ta dastqir kardedən, Fələstinıjon həm bə ım cinoyəton cəvobədə və bə sioniston ələyh əməliyot əncom dodən.

Bə İran Peres aqentiyəti raporti əsos ki İrnaku nəğlış kardə be, Nablosi ğərbi şimoli ətrofədə bıə dion və Bərəğə məntəğədə, qədə şəhron sakin bıə kəson de sionist rejimi hərbiçion himoyə vositə,de Fələstinıjon dave icodışon kardə ki bə Fələstini Sıə Hilali cəmyəti elani əsos, ım daveonədə 45 nəfər zəxmin bıən.

Seşəmbə rujədə həm ğərbi sahili tanqə şimoli Tolkərmi şərğədə bə Nor şəms kəmp və Nablosi şərğədə bə Əskəri kanə kəmp, sionist rejimi hərbiçion həmləon dumoədə 46 nəfər Fələstinıjon zəxmin bıən.