Həmas: İşğalçiyə seonist rejimi tərəfiku çı fələstınıjon kəon xərob kardey cinoyəte.
Fələstini İslomi Mığovimət Hərəkoti (Həmas) çı işğalçiyə rejim tərəfiku fələstınıjon kəon xərob kardey və çəvrə sakinon avarə və sərqərdon kardey cinoyət bıeyış bəyon kardə.
Zinə (seşanbə) çoştə saatonədə seonist rejim işğal bıə bə Ğudsi kənoədə “Səlvan” ğəsəbə hucum kardə holədə çı fələstınıjon kəon xərob kardəşone.bəhisob nəticədə de 30 nəfəri jiyə penc xıyzoni 2 qılə bina viron kardey bıə.
Bə Fələstini Şahab xəbə agentəti məlumati əsos, HƏMAS hərəkati qıləy bəyonat pevolo karə holədə, işğal bıə Ğuds rejimi kəon xərob kardey və çəvrə sakinon kuç doey,etnik təmiz kardey siyosətış cinoyətış zınə və çımi fəğət çı Fələstini xalği bəştə zəmini iyən mığəddəsaton rəğbəti ziyodəti boyis bıeyış bəyon kardə .
HƏMAS bın bəyonatəda əlovəş kardə: Seonistə işğalçiyə rejimi rəsmiyon tərəfiku 5 fələstınıjon kəon məcburi surətədə xərob kardey və işğal bıə Ğudsi "Vadi Ğədum" məhəllə bə 30 nəfər nezi sakini kuç doey çı seoniston faşistə kabineti nuyə cinoyəte ki,ımon çı dınyo milləti çəşon vədə əncom doey beydə.
Fələstini İslomi Mığovimət Hərəkot (Həmas)bın bəyonatədə ğeydış kardə: 5 qılə fələstınıjon kəon xərob kardey çı işğali jiyədə bıə Ğudsi şəhəri simo əvəz kardey və ın şəhəri yəhudi kardey məğsədış heste və çı işğalçiyon etnik təmiz kardey siyosəti zumand kardey cinoyəte.
Bın bəyonatədə HƏMAS bə Fələstınə şəhrvandon kəon bənə faşiston bıə həmləon, əvrə volo kardey,bəçəvon soybon əziyyət doey,inşaat və sənibəton təmir kardey koon vəy qətey,çı işğalçiyon jimoni məskənon soxtey və çəy inkişafında bıə bənə cındoyə kampaniyə muşayiət kardeyış bəyon kardə.
HƏMASi çı beynəlxalğə ictimoiyyətiku məsuliyyəti bəştə ehdə peqətey və cinoyətkorə rejimi daston çı Fələstini xalği və çəvon əmlokiku bırniyey tələb kardedə.
