Əmirəbdullahiyan bə de hamsuyəon rabitəon inkişofi ciddi dəvomi təkidış kardə

İroni xarıci vəzir, huseyn Əmirəbdullahiyan qıləy Tıvittədə İroni mudafiə zumandəti məntəğə stabiləti sulh və əmniyyəti qarantiya zınəşe və ijən bə de hamsuyəon konstraktik şirkəton və dustanə rabitəon inkişofi ciddi dəvomi təkidış kardə.

Bə İrna raporti əsos, ım Tıvittədə Huseyn Əmirəbdullahiyan nıvıştəşe: xarıci rabitəonədə izzətinə diplomatiya dəvom, de mudafiə və hərbi zumandəti əlovə kardey həmzəmon, əzizə İroniro ruşinə vəoməy mıjdəvonətie.

Əv ijən əlovəş kardə: İroni mudafiə zumandəti məntəğə stabiləti sulh və əmniyyəti qarantiyae və de hamsuyəon konstraktiv şirkəton və dustanə rabitəon inkişofi ciddi dəvom bədoe.

Tehron-Ər-Riyad diplomatiya rabitəon hevujəti dəvomədə, seşəmbə rujədə xəbəiyə mənbəon Ər-Riyadədə İron İslom Respublika səforətxonə oj beyku xəbə doşone.

Martə manqi 10 minnə rujədə, İron İslom Respublika və Ərəbiston de Çini vositəçiyəti sazış kardışone ki 7 sorku bəpeşt, ıştə 2tərəfiyə diplomatiya rabitəon tojədən bino kon.