Ko icod kardey sahədə bə İron və Ğətəri həmkoətion hevujəti təkid

İron İslom Respublika və Ğətəri ko vəziron vindemonədə bə təcrubəon mbudilə və ko icod kardeyədə bə həmkoətion hevujəti təkid bıə.

Bə İrna raporti əsos, İroni ictimai ko və rifoh vəzir, Seyd Sulət Mortəzəvi bə Cenevrə səfə və ko beynəlxalğə təşkiloti iclosi iştirok kardey cərəyonədə, de Ğətəri ko vəzir Əli İbne Səid İbne Səmix Əlməri vindımonış kardə və iğtisodi, siyosi və mədəni baxşonədə bə Tehron və Doha hevujə həmkoətion təkidış kardə və votışe: İron İslom Respublikaro de Ğətəri rabitəon hevujəti vey stratejike.

Əv ijə əlovəş kardə: beynəlxalğə iclosonədə həmkoəti və təcrubəon mıbudilədə 2 qılə kişvər vey erjinə hərəkəton əncomışon do ki karde bəzne məntəğə səthədə bə inkişof bırəse.

Əv Ğətəri ko vəziriku dəvətış kardə ki de bə İron səfə kardey vositə, təavon, ko və ictimai rifoh vabəstə bıə məcmuəon veyə zərfiyətonku vindemon ko.

Ğətəri devləti ko vəzir Əli İbne Səid İbne Səmix Əlməri həm ım vindemonədə bə de İroni rabitəon hevujəti əhəmiyyət təkidış kardə və votışe: Ğətəri sanksiya zəmonədə İroni himoyəon hiç vaxt yodiku şedə ni.

Əv ijən əlovəş kardə: bə Tehron səfə cərəyonədə həmkoətion səthi inkişof doey həmmə baxşon və hissəonədə icod bəkamon.