Kənani: 3curnə ləpəkon, İroni sərzəmini əbədi və co nıbıə uzvonin.

İroni xarıci vəzorətxonə sıxənəvot bə Fars dıyo həmkoəti şura vəziron bəyoniyə reaksiya nışoş do və votışe: Əbomusa, Qədə temp və yolə temp, İroni sərzəmini əbədi və co nıbıə uzvon hestin.

Bə İrna raporti əsos, İroni xarıci vəzorətxonə sıxənəvot, Nasır Kənani təsdiğış kardə: de  Fars dıyo həmkoəti şura kişvəron mınosibəton nığıləti və zumandəti barədə, İslomi Respublika siyasət stratejikə siyasəte ijən ıştə umu nışoş do ki məntəğə kişvəron bə vəoməy diyə kardey, məntəğədə həmkoətiro nuyə çərçivon icod kon.

Kənani məntəğədə oxonə manqon təhəvulaton prosesi umuəbaxş və ım hozzə kişvəron həmmə mənafe çərçivədə zınəşe və əlovəş kardə: məntəğə mənafe inkişofədə Fars dıyo ətrofədə bıə kişvəron cəmi məsuliyəti soybin və İron həmişə ım baxşi kişvəron həmkoəti və votımononku bənə məntəğə şərikon himoyə kardedə.

İroni xarıci vəzarətxonə sıxənəvot, İroni atomiyə bərnomə barədə Fars dıyo həmkoəti şura bəyoniyə no səhih zınəşe və təsdiğış kardə: İron İslom Respublika bəştə həx-huğuği əsos, və bə Padmani komiə sazışi əsos, de co qılə kişvəron və de atomiyə təşkiloti həmkoətiədə ıştə atomiyə sulomizə bərnomə təğib bəkarde.

Kənani ijən təkidış kardə: İron İslom Respublika co kərə Fars dıyo həmkoəti şuraədə  və deştə bıvəon və hamsuyəon həmkoətiədə bə əmn, stabil bə ozavziyə məntəğə rəseyro ıştə ciddi irodə əncom doey elanış kardedə.