Puli, banki və moli həmkoətion əlovə bey, Iron və Ğətəri ticori mıbudiləon inkişofi zəminəon icod kardey bois bəbe
İron və Ğətəri mərkəzi bankon rəison, de yande vindmonədə de ticori mıbodiləon inkişofi zəminəon icod kardey hədəf bə 2 qılə kişvəri puli, moli və banki həmkoətion əlovə bey təkid kardışone.
İron İslom Respublika və Ğətəri mərkəzi bankon yolon, Muhəmməd Rıza Fərzin və Şeyx Bəndər İbne Muhəmməd Ale Sani de işorə bə İron və Ğətəri miyono ticori həmkoətion muxtəlifə zəminəon və iğtisodi veyə zərfiyəton bə 2 qılə kişvəri moli, puli və banki həmkoətion əlovə bey təkid kardışone.
Bə İrna raporti əsos, İroni mərkəzi banki yol ki bə Doha paytəxt, Ğətər səfərış kardə be, çoşəmbə de Ğətəri mərkəzi banki yol, Şeyx Bəndər İbne Ale Sani vindemonədə votışe: ısətnə şəroyetədə və de diğğət bə 2 qılə kişvəri iğtisodi mucudə zərfiyəton, banki çand tərəfi və 2 tərəfi rabitəon zumand kardey iminnə koonədə ğəror qətəşe.
İroni Mərkəzi banki yol ijən əlovəş kardə: de diğğət bə Tehron-Doha banki və puli rabitəon hevujəti 2 qılə kişvəri miyono ticori miğdor həm çəşəçi surət əlovə bəbe, bə həminə əsos, həmkoətion bəpe vey rə əlovə bıbu və bə ım hədəf rəseyro bə həmmə zərfiyəton diğğət kardey zərrurie.
