De sionist rejimi qullə vositə, Fələstinıjə jurnalist zəxmin bıə

Fələstini Əlyəom xəbəş do ki de sionist rejimi qullə vositə, qıləy Fələstinıjə jurnalist zəxmin bıə.

Bə Əlyəom Fələstini raporti əsos, Əlxəlil Beyt Amer məntəğədə sionist rejimi ğıvvon həmlə cərəyonədə, "Ğuds Fid" kanali jurnalist, İhab Ələlami zəxmin bıə.

Çımiku bənav həm Sionist rejim hərbiçion çand nəfər Fələstin iyən ğeyri Fələstini jurnaliston zəxmin və ya şəhid kardışone.

Sioniston ıştən oxonə cinoyətədə, Əlcəzirə kanali məşhurə jurnalist, bə Cənin şəhri həmlə kardey cərəyonədə Şirin Əboağelə şəhid kardışone.