Bə Nablus, sionist rejimi hərbiçion şanqonə həmlə

zinə sıb, xəbəiyə mənbəon raportışon do ki ğərbi sahili şimolədə bə Nablus şəhri sionist rejimi hərbiçion həmlə kardışone və Fələstini muğaviməti ğıvvon de əvon dave kardışone.

Bə İrna aqentiyəti raporti əsos,zinə sıb, sionist rejimi hərbiçion bə Nablus şəhr iyən ım şəhri Belat nomo kəmpədə həmlə kardışone.

Bə ım raporti əsos, bə Nablus şəhri sioniston həmlə cərəyonədə, Fələstini muğaviməti hərbiçion de qullə vığande və tepemoni bombaon de əvon vədə muğavimət kardışone.

Fələstini sıə hilol həm raportış do: sionist hərbiçion ti vığande dumoədə 1 nəfər zəxmin və bə noxəşxonə ovoştoniyə bıə.

Im raport ijən əlovəş kardə: Bə Nablus sionist rejimi hərbiçion həmləon cərəyonədə kali Fələstinıjon dastqir bıən.

İşğal bıə sərzəminon xususi ğərbi sahilədə ım rujon şəroyet vey məxsuse və Fələstinıjon canqəkəyon de har qılə əbzori vositə sioniston veyə cinoyəton cəvobi dodən.