Həmas: Suriyə həxış heste ki israili həmləon vədə ıştəniku mudafiə ko

Fələstini islomi muğaviməti hərəkət(HƏMAS) sıxənəvot bə Suriyə Homs şəhri sionist rejimi həmlə reaksiyaədə votışe: Dəməşğ həxış heste de həmmə təchizaton təcavuzon vədə ıştəniku mudafiə ko.

Dəvardə soronədə sionist rejim çand kərə bə Dəməşğ və Suriyə muxtəlifə məntəğəon həvoiyə həmlə kardəşe ki vey zəmononədə de ım kişvəri həvoiyə mudafiə təğib kardey vositə, ım həmləon vədə ıştəniku mudafiə kardəşe.

Tojədən sionist rejimi ğırəkə təyyorəon həm bə Suriyə ıştə təcavuzon dəvomi cəhətədə, Beyroti şimol şərği səmtiku Homs şəhri ətrofədə bə kali məntəğəon həmlə kardışone, Suriyə ərtışi həvoiyə mudafiə həm de ım təcavuzi mudafiə kardey əməliyoton əncom doşe.

Bə Ələhd xəbəiyə mərkəzi raporti əsos, Həmasi hərəkəti sıxənəvot, Hazım Ğasım təsdiğış kardə6 de sionist rejimi vositə, Suriyə bombaon, terrorism, yolə şəxəti və bə islomi umməti ələyh təcavuzon dəvomi nışonəy.

Hazım ijən əlovəş kardə: islomi həmmə ummət, bəpe Ğudsi işğolçiyə rejimi təcavuzon vədə vəhdəti soyb bıbun və terroristiyə hərəkəton bə oxo bırosnon.