Sionist rejimi cinoyəton vədə ğərbion 2curnə rəftori barədə, İroni reaksiya
Cenin kəmpədə bə sionist rejimi cinoyəton, İroni xarıci vəziri sıxənəvot reaksiya nışoş do iyən votışe: Aya Amerkə iyən Avropa insoniyə həxon şuraku həğiğəti peyso kardə kumitə icod bey tələb bəkan?
Bə İrna raporti əsos, Cenin kəmpədə bə sionist rejimi cinoyəton, İroni xarıci vəziri sıxənəvot reaksiya nışoş do iyən Tıvitter ğolibədə nıvıştəşe: 12 nəfər şəhid, ov iyən ruşnə kanalon komil surət xərob kardey, 300 qılə kə xərob kardey iyən bə 500 qılə kə zərəl-ziyon varid kardey, xiyabonon iyən dukonon xərob kardey bə Cenin şəhri pənohqoh sionist rejimi cinoyəton nəticəy.
Kənani ijən təsdiğış kardə: Aya Amerkə iyən Avropa insoniyə həxon şuraku həğiğəti peyso kardə kumitə icod bey tələb bəkan? Hiç vaxt!
De ım vucud ki de sionist rejimi ərtışi hərbiçion vositə, Cenin kəmp muhasirə bıə və ım kəmpədə sakin bıə Fələstinıjon veyə umumiyə molon və kəon xərob iyən məhv bıə, əmmo Cenin şəhri veyə əholi elanışon kardə ki Fələstini mubarizə cıvonon kənoədə bəmandin və de sionist rejimi cinoyəton vədə muğavimət bəkan.
Statestikano nışo do ki Cenini oxonə daveoni cərəyonədə, 13 nəfər Fələstinıjon şəhid iyən 140 nəfəriku vey həm zəxmin bıən.