Əmirəbdullahiyan təkidış kardə: İron və Oman iğtisodi rabitəon inkişofi royədən

İran Peres: İroni xarıci vəzir de Omani xarıci vəziri vindemonədə votışe: dəvardə 22 manqi mıddətədə, İron və Omani ticori mıbodiləon mığdor 2.5 bərobəriku vey əlovə bıə.

Zinə və xarıci vəzorətxonə vırədə, İroni xarıci vəzir, Huseyn Əmirəbdullahiyan Omani xarıci vəzir Bədr Ben Həməd Əlbosəidi və bəşe.

Bə İran Peres aqentiyəti raporti əsos, Huseyn Əmirəbdullahiyan, Bədr Ben Həmd Əlbosəidi vindemoni bəpeşt, qıləy mıştərəkə xəbəiyə iclosədə votışe: vey rə bə İron və Omani yolon sazışon təğib kardey xoto, 2 qılə kişvəri iğtisodi komissiya bərpo bəbe.

İroni diplomatiya təşkiloti yol ijən təkidış kardə: çəmə etığad ıme ki hamsuyə kişvəron rabitəon karde bəzne əlovə bıbu, və ım həmonə çie ki ımruj məntəğə bəy ehtiyocış heste.

Əmirəbdullahiyan ijən 3curnə cəzirəon barədə de Rusiyə Fars dıyo cənubi kənoədə kişvəron iclosi bəyoniyəku ıştə no rizoyəti nışoş do iyən əlovəş kardə: İron İslom Respublika ərzi təmamiyyət və istiğloli royədə de hiç kəs sazış nibəkamon.

Əv ijən əlovəş kardə: dəvardə rujədə və Rusiyə rəsmi şəxsonku diplomatiya royku ım bəyoniyə barədə izah domone.

İroni xarıci vəzir ijən bə Ukrayna canqi sə bey zərrurəti işorış kardə və votışe: həmmə kişvəron bəpe bə yande ərazi təmamiyyət ehtırom bınən.

Im iclosədə həmçınin Bədr Ben Həməd Əlbosəidi votışe: İron və Omani xususi baxşi fəaliyətonədə yolə təhəvulaton əncom bıə.

Əv ijən təkidış kardə: Omani siyosət həmişə daveon kam kardeyədə mısbətə rol və hamsuyətiədə vey çokə rabitəon icod kardeye.