Mehran marzədə İron və İraği ozodə məntəğə icod bəbe

İroni ozodə məntəğəon ali şura sərkatib de İron məştərəkə ozodə məntəğə icod beyro İraği meyliku xəbəş do.

Asiya ğərb məntəğə ərəb kişvəron miyonədə İrağ de İron məzhəbi iyən mədəni vey nezə rabitəon soybe.

Hamsuyəon miyonədə vey dırozə marzi soyb bey( təğribən 1258 kilometr zəmini marz və 351 kilometr ovi marz), irğçi, torix iyən zıvoni cəhəto nezəti, iğtisodi və əmniyəti mıştərəkə mənafe və təhdidon vıcud, əcumlə İron və İraği rabitəonədə vey muhimmə nuktəon bə hisob omeydə.

Dəvardə soronədə həm bə məzhəbi, siyosi və mədəni veyə mıştərəkəçiyon xoto, İron de İrağ rabitəon hevujəti2 qılə kişvəri rəsmi şəxson iminnə koonədə ğəror qətəşe.

Bə Tele-Rədio aqentiyəti raporti əsos, İroni ozodə məntəğə ali şura sərkatib Huccətullah Əbdulməleki votışe: İraği iminnə vəzir, İroni Mehran marzi nez yəni İraği Vaset ostanədə qıləy məntəğə təyinış kardə ki mıştərəkə ozodə məntəğə bəvədə icod bıbu.

Əbdulməleki ijən bəyonış kardə ki tosə sori oxoədə İron və İraği mıştərəkə iminnə ticori ozodə məntəğə əməliyoti mərhələdə varid bəbe ijən əlovəş kardə: İraği investisiyaəkəyon meylışon heste ki de ticori inkişof iyən ehtiyocon təmin kardeyro və İroni iğtisodi məxsus və ozodə məntəğəonku bə Hınd Okean və ozodə ovon dast peydo kardey vositə ıştə məhsulon bə co qılə məntəğəon bırosnon.