Moləvi Əbdulhəmid Xaş-Təftan terroristiyə hodisə məhkumış kardə

Zahidani Məki məçiti İmom cımə Moləvi Əbdulhəmid qıləy mesajədə Xaş-Təftan royədə bə İroni polis roy ələyh terroristiyə hərəkəti məhkumış kardə.

Bə İran Peres aqentiyəti raporti əsos, İşəmbə şəvədə Moləvi Əbdulhəmid ıştə Tıvitterədə qıləy mesaj ğolibədə nıvıştəşe: Xaşi nezədə bə polis roy başx bevəcə həmlə və hodisə cərəyonədə ki bois bıə 4 nəfər polisi ğıvvə şəhid bıbun, vey şiddətin təəssufi bois bıə.

Əv ijən əlovəş kardə: az de harcurnə xun ekardey muxalifəm və bə əmniyyəti oqətey təkid kardedəmon.

İşəmbə rujədə Sistan və Bəluçıstoni polisi məlumatrosniyə mərkəz qıləy etosniyə ğolibədə elanış kardə: İşəmbə sıb və qıləy terroristiyə hodisə ğolibədə dışmonə şərrə kəson bə polisi roy baxşi ki Xaş bə Təftan mehvərədə ğəror qətəş be 4 nəfər polisi məmuron şəhid kardışone.

Sistan və Bəluçıstoni polisi məlumatrosniyə mərkəzi etosniyədə omə ki kordılə terroriston de komilə tarsi surət polisi roy məmumuron terrori əncom doşone və vey rə həmonə vırəku fəror kardışone.

Im məlumatrosniyə əlovəş kardə: terroriston ım nocıvon merdonə hərəkət be şək be cəvob nibəmande.