Bəhreyni zindononədə ujnən i qılə dəstqir bıə şəhrvand şəhid bıə.
-
Muhəmməd Səhvan Bəhreyni Co nomo bıə mərkəziyə zindonədə şəhid bıə.
Bəhreyniku xəbə omə ki çın kişvəri qıləy dəstqir bıə şəhrvand Muhəmməd Səhvan Bəhreyni Co nomo bıə mərkəziyə zindonədə şəhid bıə.
Bə Əlaləm raporti əsos həmonə faxtiku ki Bəhreyni 10 qılə məhbusə şəhrvandon muvəffəğ bıən Co nomo bıə zindoniku fəror bıkən ısət xəbə omə ki zindoni rəsmion vey bə məhbuson saxtə vəziyəti icodışon kardə ijən məhdudiyət, fişar və əziyəton vey ziyod bıə anə ki siyasi məhbuson vey əzob kəşdən.
Tojədən xəbə omə ki ujnən vey bə insonə həxon mudafiə əkə təşkilaton Bəhreynədə insonə vəziyəti barədə niqəron bıən və pidəşone kişvərədə şəhrvandon həx-huğuğ rəsmi zınə bıbu.
Vote bıdə Bəhreyn bənə çı Asiya Ğərb məntəğə vey qədə kişvəri onvan əmmo vey insonə həxon mudafiə əkə fəalon və siyasi şəxsiyəton məhbus əkə kişvəre.
Bəhreynədə miladi 2011 minə soriku cəmaəti inğilab bino bıə.
Bəhreyni millət ozodəti, ədolət, nohəxə vəziyəti ləğv bey və demokratikə dıvləti vıjniye pidəşone əmmo Ale Xəlifə rejim cəmaəti etırazon məhv karde xoto vey əktiv şəxsiyəton və Bəhreyni şiə lideron iyən muxalifə siyasi odəmon de bevəcə bəhonəon bə deroz mıddətə həbs məhkum kardedə.
