Ərbəyine Huseyn(ə)-i xıdməti xeyməonku himoyə kardey əhəmiyyət

İroni ğərbədə Kermanşah ostandar bə Ərbəyine Huseyn(ə)-i xıdmət xeyməonku himoyə kardey əhəmiyyət təkidış kardə.

Kermanşah ostani Ğəsr Şirin şəhri 90 kilometrə fosilədə, Somar baxş ğərorış qətə, və de İrağ 86 kilometr marzış heste ki ım baxş, 2 qılə Somar iyən Nəft Şəhr iyən 13 qılə di soybe.

Xosrəvi marz de Ğəsr Şirin 15 kilometrə fosiləş heste və zayiron şe-omeyro 4curnə marzonku qıləynie ki Məhərrəmə manqi rujonədə ım marz Kərbəlo Muğəddəsə şəhri zayiron şe-omeyro, oj bəbe.

Xosrəvi marz bə Kərbəlo şəhr, İroni vey nezə məntəğəonkue və zayironi ki bə İrağ varid beyro Xosrəvi marzi vıjniyəşone Diyali və Bəğdad şəhron dəvardey bəpeşt, bə Kazımeyn iyən peşo bə Nəcəf rəseydən.

Bə İrna raporti əsos, Kermanşah ostandar Muhəmməd Təyeb Səhrai Somar marzi strukturonku vindemon kardey kənoədə votışe: cəhd kardedəmon ki İrağədə bə əktivə Ərbəyine Huseyn(ə)-i xıdmət xeyməon çokə xıdmət bırosnəmon.

Kermanşahi ostandar ijən əlovəş kardə: ım marzədə imkanaton iyən təchizaton komək kadedən ta Ərbəyine Huseyn(ə)-i rujon bəpeşt, Somar marz vey rovnəğ peydo bıko.