Ərbəyine Huseyn(ə)-i şemoniro İron və İraği tojə sazışon

İroni kişvəri vəzir Ərbəyine Huseyn(ə)-i şemoniro Tehron-Bəğdadi tojə sazışonku xəbəş do.

Bə Tele-Rədio aqentiyəti raporti əsos, İroni kişvəri vəzir Əhməd Vəhidi de İraği kişvəri vəzir Əbdul Əmir Əlşəməri mıştərəkə xəbəiyə iclosədə, de işorə bə ım ki 4 qılə marz əcumlə Xosrəvi, Şələmçə, Çəzzabə iyən Mehraniku vindemon kardımone ijən votışe: məsələoni əcumlə ..., vizaon, səhiyyə iyən imdod rosniyə məsələon iyən Ərbəyine Huseyn(ə)-i şemoniro lozimə strukturon təğib bıə.

Vəhidi ijən əlovəş kardə: Ərbəyine Huseyn(ə)-i strukturon zumandəti iyən maneon peqəteyro, İron və İrağ bə vey çokə nəticəon dast peydo kardışone.

İraği kişvəri vəzir, Əbdul Əmir Əlşəməri həm ım xəbəiyə iclosədə votışe: de İraği 4 qılə ostandari bə ico ım marzonku vindemon kardemone və 2 tərəf bə vey çokə sazışon rəsəşone.

Hicri-Ğəməri 1445 minnə sori Səfər manqi 20 bərobər de Milodi 2023 minnə sori Sentiyabrə manqi 6 minnə ruj, İmom Huseyn(ə) Ərbəyini ruj ğeyd bıə.

Har sor vey zairon həminə əyyomədə bə Kərbəlo varid bedən.