Omanədə bıə 2tərəfi həmkoətion hevujəti, Bağıri Kəni muzakirəon mehvər

İron və Omani xarıci vəzorətxonə muavinon 2 qılə kişvəri həmkoəti muxtəlifə baxşon barədə deyande sıhbət kardışone.

Bə İrna zinə ruji raporti əsos, İron İslom Respublika xarıci koon vəzorətxonə siyosi muavin, Əli Bağıri Kəni bə Oman ıştə səfə cərəyonədə de ım kişvəri xarıci vəzorətxonə muavin Şeyx Xəlifə İbne Əli Əlharsi vindemon iyən votımonış kardə.

Im vindemonədə ki Omanədə bıə İron İslom Respublika səfir, Əli Nəcəfi həm iştirokış be 2 tərəf 2 qılə kişvəri həmkoəti muxtəlifə baxşon barədə de yande votımon kardışone.

Dəvardə soronədə de İrono fobiya əlovə beyro Amerkə cəhd iyən Fars dıyoədə daveon vucudi İron və Omani rabitəon həmişə bə yande ehtırom noey iyən mıtəğabilə mənafe əsos be.

IOmani rəsmi şəxson etığadışon heste ki de İron nezə rabitəon bə fakton əsos be və İroni qıləy yolə hamsuyə zıneydən.

2 qılə kişvər sərzəmin iyən marzi cəhəto deyande hiç ixtilofışon ni.