Ardəvilədə vəliye fəğih nımoyəndə de Seyd Həsən Nəsrullah vindemonış kardə

İroni kali alimon əcumlə İroni şimol ğərbədə Ardəvilədə bıə vəliye fəğih nımoyəndə de Hizbullah sərkatib vindemonışon kardə.

Bə Təsnim aqentiyəti raporti əsos, Ardəvil ostanədə vəliye fəğih nımoyəndə, Ayətullah Həsəm Amili iyən kali Xobreqan parlamenti uzvon  de Seyd Həsən Nəsrullah vindemonışon kardə.

Im vindemonədə Beyrutədə bıə İron İslom Respublika səfir Muctəba Əmani həm iştirokış be.

Əmani ıştə Tıvitterədə elanış kardə ki ım vindemonədə dəvardə soron mıddətədə 2 qılə kişvəri miyono torixi rabitəon barədə sıhbət bıə.