Əmirəbdullahiyan iyən Omani xarıci vəziri miyono telefoniyə votımon

İron İslom Respublika və Omani xarıci vəzirion 2tərəfiyə rabitəon oxonə vəziyət iyən 2 qılə kişvəri sazışon təğibon barədə deyande məşvərət karışone.

Bə İrna xarıci siyosəti jurnalisti raporti əsos, zinə əsr İroni xarıci vəzir Huseyn Əmirəbdullahiyan de Omani xarıci vəzir Bədr Əlbosəidi telefoniyə votımon əncomış do.

Im telefoniyə votımonədə İron İslom Respublika iyən Omani xarıci vəziron, 2tərəfiyə rabitəon oxonə vəziyət iyən 2 qılə kişvəri sazışon icro beyro əncom bıə təğibon barədə deyande məşvərət karışone.

Əmirəbdullahiyan, rabitəon həmmə tərəfiyə hevujəti iyən inkişofri prossesiro Omani xarıci vəziriku ğədrdonətiş kardə.

Omani xarıci vəzir, Bədr Əlbosəidi həm ım telefoniyə votımonədə de işorə bə Doktor Rəyisi iyən Soltan Heysəmi oxonə votımonon, de İron İslom Respublika əktivə həmkoəti məntəğə iyən beynəlxalğə həmkoətion hoston kardey cəhəto bə Omani cəhdon təkidış kardə.

İjən 2tərəf, məntəğə və beynəlxalğ iyən 2tərəfiyə baxşonədə kali mıştərəkə mevzuon barədə deyande votımonışon kardə.