Suriyədə İroni parlamenti heyəti məşvərəton dəvom

İran Peres: Dəməşğədə məşvərəton dəvomədə İroni parlamenti heyət de İron və Suriyə parlamenti dustiyə qrup və parlamenti milli əmniyyəti kamissya uzvon vindemon iyən votımonış kardə.

İroni parlamenti heyət bə İroni islomiyə parlamenti xarıci siyosət və milli əmniyyəti kamissiya yol Vəhid Cəlalzade rəisəti, de Suriyə tərəfi mıştərəkə məşvərətn hədəf bə Dəməşğ səfərış kardə.

Bə İran Peres raporti əsos, Seşəmbə əsrədə, Dəməşğədə Cəlalzade de İron və Suriyə parlamenti dustiyə qrup və parlamenti milli əmniyyəti kamissya uzvon vindemoni cərəyonədə votışe: İron İslom Respublika iyən Suriyə rabitəon stratejikə rabitəy.

İroni islomiyə parlamenti xarıci siyosət və milli əmniyyəti kamissiya yol ijən təsdiğış kardə: Tehron muxtəlifə baxşonədə de Dəməşğ həmkoəti hevujətiku himoyə kardedə.

Im vindemonədə həm Suriyə tərəf, Suriyədə əmniyyəti icod kardey iyən terroriston məğlub kardeyədə bə Qeneral Şəhid Ğasım Suleymani vey muhimmə rol təkidış kardə.

Çımiku bənav həm İroni parlamenti heyəti uzv de Dəməşğədə sakin bə Fələstinıjon qrupon ijən Suriyə parlamenti yol, Həmodət Səbağ vindemon və votımon kardəş be.

İroni parlamenti heyət ki Dışəmbə rujiku bə Suriyə və Livan ıştə 7rujə səfəri binoş kardə be, de Suriyə rəsmi şəxson məşvərəti bəpeşt bə Livan səfər bəkay.