Bə İrağ, Ərbəyine Huseyn(ə)-i zayiron ovoştoniyero, Bəğdad-Tehroni sazışon

Imsor İroni 20 qılə ayirportonku de təğribən 3 həzo pərre vositə, Ərbəyine Huseyn(ə)-i zayiron bə İrağ səfə bəkan.

Hicri Ğəməri 1445 minnə sori Səfər manqi 20 bərobər de Milodi 2023 minnə sori Sentiyabrə manqi 6, İmom Huseyn(ə) Ərbəyini ruj ğeyd bıə.

Har sor vey zairon həminə əyyomədə bə Kərbəlo varid bedən.

Bə İranperes aqentiyəti raporti əsos, İroni pərremoni təşkiloti yol, Muhəmməd Muhəmmədibəxş, Bəğdadədə bıə İraği pərremoni təşkiloti yol Emad Əbdulrəzzağ Ələsədi votışe: Ərbəyine Huseyn(ə)-i rujonəəd İraği devlət de İroni veyə həmkoətionro ıştə hozzoəti elanış kardə.

İroni pərremoni təşkiloti yol ijən təsdiğış kardə: İronədə 20 qılə ayrport Ərbəyine Huseyn(ə)-i zayiron bə Bəğdad və Nəcəfi 2 qılə ayrport ovoştoniyə bəkan və cəhd kardedən ki de İraği pəremoni rəsmi şəxson həmkoəti vositə zayiron problemon kam bıbu.

Emad Əbdulrəzzağ Ələsədi  ijən votışe: de İroni həmkoəti həmmə cəhdon əncom bəbe ki İroniku bə İrağ Ərbəyine Huseyn(ə)-i zayiron ovoştoniyə problemon kam bıbu.