Dəvardə rujonədə Xosrəvi marziku 3000 nəfəriku vey xarıc bıən

İroni ğərbi Kermanşah ostani roy iyən nəğliyot mudir xəbəş do ki dəvardə 24 saətədə Xosrəvi marziku 3000 nəfəriku vey xarıc bıən.

İroni ğərbi Kermanşah ostani roy iyən nəğliyot mudir Fəriborz Kərəmi de İsna votımonədə bəyonış kadə: Seşəmbə rujədə Xosrəvi marziku 3000 nəfəriku vey xarıc bıən, əv ijən votışe: ım miğdoriku 2665 nəfər İroni iyən 341 nəfər xarıci bin.

Bə ım rəsmi şəxsi votey əsos, dəvardə rujon muğaisədə Xosrəvi marziku xarıc bey prosses əlovə peydoş kardə iyən intizor bəbe ki bə Ərbəyine Huseyn(ə)-i nez bey rujonədə ım miğdor əlovə bıbu.

Kərəmi ijən əlovəş kardə Səfə manqi əvvəliku və de Ərbəyine Huseyn(ə)-i rujon bino bey həmzəman cəmədə Xosrəvi marziku xarıc bıə kəson 9400 nəfəriku vey xarıc bıən.

Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron  Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.