İronıjə zayiron mehmonəti kardeyro İraği hozzoəti elan

İraği ostandar de işorə bə ım ki İroni zayiron mehmonəti kardeyro İrağ komil surət hozzoe, əlovəş kardə: İraği Zərbatiyə terminali strukturon komil bey holədəy.

Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron  Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.

Bə İrna raporti əsos, Pencşəmbə şəvədə Muhəmməd Cəmil Əlmiyahi Zərbatiyə terminalədə de İlami ostandar mıştərəkə iclosədə əlovəş kardə: bə zayiron loyiğə xıdmətrosniyero ıştə həmmə zərfiyətonku istifodə bəkamon ki İroni şahrvandon tərəfo İrağədə muğəddəsə vırəon vey çok çoki ziyorət əncom bıbu və zayiron bə səlomət bə İron obəqardon.

Əlmiyahi bəyonış kardə: Zərbatiyə terminalədə, ım vırə  karde bəzne İron və İraği kişvəron rəsmi şəxson miyono icloson bərpo beyro iyən zayiron şe-omeyro vey çok və mıştərəkə vırə bıbu.