Ərbəyine Huseyn(ə), İslomi zumandəti nımoyeş doey

İroni silohinə ğıvvon həmmə komandir yol, Ərbəyine Huseyn(ə) qıləy mənəvi, dini və məzhəbi manevr iyən İrslom zumandəti nımoyeş bəyonış kardə.

Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron  Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.

Bə İrna raporti əsos, Ərbəyine Huseyn(ə)-i ğərorqoədə İroni silohinə ğıvvon həmmə ğərorqoh yol, Qeneral Muhəmməd Bağıri kişvəri polisi ğıvvon cəhdinə fəaliyətonku ğədrdonətiş kardə iyən Ərbəyine Huseyn(ə)-i məsələ və ım dini, məzhəbi iyən mənəvi manevr İslomi zumandəti nımoyeş bəyonış kardə və əlovəş kardə: bə zayiron xıdmət rosniye cəhətədə marzonədə həmmə koon, marzonədə əmniyyət icod kardey və həmmə koon sə və vey muhimm kişvəri milli əmniyyəti icod kardey vey muhimme.

Qeneral Bağıri ijən əlovəş kardə: dəvardə 10 ruji mıddətədə təğribən 1 milyono 250 həzo nəfər zayir, İroni marzonku xarıc bin, be hiç problem.