Şələmçə marzi terminaliku İronədə sakin bıə Afrikavıjə zayiron şe-omey
260 nəfər İroni sakin bıə Afrika zayironku de dınyo şiəyon 3minnə İmom, Həzrəte Əbaəbdullahel Huseyn(ə)-i ziyorət kardey niyyəti, Şələmçə marziyə terminaliku bə İraği səmt hərəkət kardışone.
Hicri Ğəməri 1445 minnə sori Səfə manqi 20 (Milodi 2023 minnə sori Sentiyabrə manqi 6 minnə ruj, Kərbəloədə, Şiəyon 3minnə İmom, Həzrəte İmom Huseyn(ə)-i şəhodəti Ərbəyinə ruji bərobəre və ım rujədə Zayiron Ərbəyine Huseyn(ə)-i mərosimədə iştirok kardeyro bə İraği cənub Kərbəlo şəhr varid bəben.
Bə İrna raporti əsos, İroni sakin bıə Afrika cıvonon icma yol, Muhəmməd Ba əlovəş kardə: 260 nəfər Afrika zayironku ki ım ğitə 35 qılə kişvəriku hestin, ım roy de işğ iyən meyl şeydn və pidəşone dınyo mısılmonon ittifoği bə həmmə dınyo nış bıdən.
Muəhəmməd Ba ijən əlovəş kardə: tosə Kərbəlo Nəcəfi şemoni roy şiəyon 12minnə İmom, İmom Zəman(ə)-i zuhuri nışonəy.
Votey bəbe ki Şələmçə və Çəzzabə İroni Xuzıston ostani Ərbəyine Huseyn(ə)-i 2 qılə dəvardəco hestin.
Xorrəmşəhri 15 kilometrədə Şələmçə ğərorış qətə ki Ərbəyine Huseyn()-i zayiron şe-omeyro Xuzıston ostani marzi vey muhimmə dəvardəco bə hisob omeydə.