2 milyoniku vey zayir bə İrağ varid bıən

İraği kişvəri vəzorətxonə ımsori Ərbəyine Huseyn(ə)-i mərosimi əvvəliku tosə ısət 2 milyoniku vey zayir bə İrağ varid bey elanış kardə.

Bə İran Peres aqentiyəti raporti əsos, zinə İraği kişvəri vəzorətxonə qıləy bəyoniyədə elanış kardə, Ərbəyine Huseyn(ə)-i mərosimi əvvəliku tosə ısət 2 milyono 654 həzo 643 nəfər bə İrağ varid bıən.

İraği kişvəri vəzorətxonə təkidış kardə: Ərbəyine Huseyn(ə)-i mərosimi əmniyyəti təmin kardey kumitə bə İraği kişvəri vəzir, Əbdul Əmir Əlşemri riyosəti bə Kərbəlo səmt, roon həmmə məntəğəonədə de əmniyyəti ğıvvon vositə, bə əmniyyət icod kardey koon məşğulin.

İraği kişvəri vəzir ijən təsdiğış kardə: kişvəri həmmə marzonku yəni Əlmənzəriyə, Zərbatiyə, Əlşib, Şələmçə, Səfvan, Məndəli, Kərkok, Əlğaem, Bəğdadi ayirport, Nəcəfi ayirport və Bəsrə Ayirportku zayiron varid bey prossesiro həmmə təşkilaton ıştə fəaliyəton dəvom dodən ta zayiron vey sodə bə İrağ varid bıbun.