HƏMAS: məçituləğsa, Fələstini milləti sıə xətte

İşğoliyə Ğudsədə Fələstini islomi muğaviməti hərəkəti sıxənəvot (HƏMAS) sioniston səmtiku bə məçituləğsa be ehtıroməti kardey reaksiyaədə votışe: ım muğəddəsə vırə, Fələstini milləti sıə xətte və baği bəmande.

İşğoliyə rejim de har qılə metod ğəsdış heste ki ım məçitədə ıştə nəhsə planon icro bıkon.

Bə İran Peres aqentiyəti raporti əsos ki Fələstini Şəhab nom aqentiyətiku nəğlış kardə, işğoliyə Ğudsədə HƏMASi hərəkəti sıxənəvot Muhəmməd Həmadeh təkidış kardə: bə məçituləğsa ələyh dəvominə təcavuzon iyən işğalçiyon cinoyəton, veyə muğaviməti boisəkəy.

Həmadeh ijən əlovəş kardə: işğolçiyon pidəşone bə məçituləğsa ələyh ıştə həmləon bə qıləy normalə ko əvəzkon ta Fələstinıjon çəy barədə betafut bıkon, əmmo işğolçiyon cəhdon səhve, boçi ki Fələstini millət məçituləğsa hodisəon həxədə vey həssosin və ım məsələ çəvon veyə muğaviməti boisəkəy.

HƏMASi sıxənəvot ijən bəyonış kardə: bə məçituləğsa çand kərə təcavuzon nəticədə , sionist rejim vey yolə məsuliyət bəştə ohdəş peqəte, əv ijən əlovəş kardə: sionist rejim, Ğuds-i yəhudi soxtey dumoədəy əmmo ısətnə faşisti kabinet ım planon vey rə əncom doey dumoədəy.

Sionist rejimi qədə şəhron sakin bıə kəson təğribən har ruj bə Telavivi radikalizmə rəsmi şəxson təhrikon rəhbəriyəti bə məçituləğsa həmlə kardedən və cəhdışon heste ki ım muğəddəsə vırə vəziyəti əvəz bıkon.

Həminə holədə məçituləğsaədə Fələstinıjon deştə muhimm və daimə iştiroki vositə, tosə ısət yəhudion ım plani əncom beyku mane bıən və sionist rejimi həmlə və təcavuzon vədə muğavimət kardışone, və təkid kardışone ki məçituləğsa çəvon sıə xətte.