Ğərbi sahilədə 2 nəfər şəhid iyən 12 nəfər zəxmin bıən

Sionist rejimi canqi vəzorətxonə elanış kardə ım rejimi əmniyyəti ğıvvon Cənin kəmpədə əməliyoti əncom doey holədən.

Bə Tele-Rədio aqentiyəti beynəlxalğə baxşi raporti əsos, ki Əlcəzirə televeziyaku nəğlış kardə Fələstini səhiyyə vəzorətxonə de işğolçiyə hərbiçion qullə vositə, 2 nəfər Fələstini şəhid bey iyən 12 nəfər zəxmin beyku xəbəş do, iyn əlovəş kardə: zəxmi bıə kəson bə Cənini devləti noxəşxonə oloxtoniyə bıən.

Əlcəzirə, sionist rejimi canq ya mudafiə vəzorətxonə nəğliku əlovəş kardə: ım rejimi əmniyyəti ğıvvon Cənin kəmpədə əməliyoti əncom doey holədən.

Im rejimi ərtış ijən raportış do qıləy ərtışi dron bə Cənin kəmpədə kali vırəon həmləş kardə.

Cənini təşkilot ijən elanış kardə: ım kəmpi ğıvvon, de qullə iyən bomba vositə bə işğolçiyə ğıvvon həmlə kardışone və bə əvoni zərəl-ziyon varid kardışone.